छेवाङ लामा :
नेपाली गायक, संगीतकार, गीतकार, म्युजिक प्रोडुसर र मोडल यी धेरै विधामा अब्बल एक चर्चित नाम हो । उनलाई धेरै दर्शकश्रोताहरुले कभर गायकका रुपमा चिनेता पनि उनि बहुप्रतिभावान एक कलाकार हुन । उनको जन्म काभ्रेको बनाकुमा भएको हो । उनका परिवार काठमाण्डौ बसाई सरेता पनि उनि भने ८ वर्षको उमेर सम्म आफ्ना हजुरबुवा सँग काभ्रेमा नै बसे । त्यस बिचमा उनका अभिभावकले धेरै काठमाण्डौ लैजान खोजे तर उनि जान मानेन । तर जब दिदिको बिबाह भयो त्यस पछि भने दिदि भेनाले फकाएर उनलाई काठमाण्डौ ल्याई छाडे । त्यसपछि उनको बाल्यकालका अधिकांश समय काठमाण्डौमा बिते ।
संगीत यात्रा
उनले काभ्रेमा छदाँ पढ्न नमानेता पनि काठमाण्डौ आए पछि भने ब्याचलर सम्मको अध्यायन क्लासिक कलेज बाट गरे । ब्याचलर सकेर उनि पढाई गर्ने बहानामा युके हानिए । किन कि उनी घरको जेठा छोरा भएकाले घर प्रतिको जिम्मेवारी उनैको काधमा थियो । त्यसैले उनको उद्देश्य पढाई भन्दा बढी आर्थिक रुपमा सक्षम बन्नु थियो । तर उनले युके छदाँ आर्थिक सँगै गायनमा पनि उल्लेख्य प्रगती गरे । २००९ तीर युकेमा धेरै युटयुबमा कभर गीत गाउनेहरु देखे र उनमा गायक बन्ने सपना नभएता पनि स्कुल कलेजमा हुने कार्यक्रमहरुमा भाग लिएका अनुभवहरु भने प्रसस्तै थिए र उनले पनि कभर गीत गाउने निधो गरे । उनले युकेमा छदै १९ मार्च २०१० मा आफ्नो युटयुव च्यानल बनाएर २०१३ मा पहिलो चोटी कभर गीत सार्वजनिक गरे । त्यसले थोरै भए पनि उनलाई चर्चा दिन सफल भए । र उनमा उत्प्रेरणा थप्ने काम भयो । उनी परदेशमा हुदाँ आफ्नी आमालाई सम्झेर आफनै शब्द, संगीतमा गीत बनाए र त्यसलाई पनि युटयुवमा सार्वजनिक गरे । उनलाई उक्त गीत अझै धेरै दर्शकश्रोता समक्ष पुग्न बाटो बनिदियो । त्यस पछि उनि काम र पढाई सँगै गीतहरु धमाधम गाउदै युटयुवमा राख्न थाले । यसैक्रममा उनी धेरै युवापुस्ताहरु माझ कभर सिङगरको रुपमा स्थापित भए । जब उनि २०१७ तिर नेपाल फर्किए त्यसपछि भने उनि गायनलाई सिरियस रुपमा लिएर अघि बढ्ने निर्णय गरे फलस्वरुप अहिले नेपाली संगीतआकाशमा एक चम्किला ताराको रुपमा उदाउन सफल भए ।
उनले धेरै हिट कभर तथा म्यासप गीतहरु संगीत पारखीहरुका लागि दिई सकेका छन । भने लाहुरे जस्तो आफ्नै हिट गीत पनि दिईसकेका छन । अहिले छेवाङ लामा धेरै युवाहरुको ढुकढुकी बनि सकेका छन । उनलाई यतिबेला सोसाल मिडियामा फलो गर्ने दिनानु दिन बढ्दो छ । यो सामग्री तयार गरिरहदा सम्म उनको युटयुवमा प्लस ५०० के ले सब्स्क्राईब गरिसकेका छन् । त्यस्तै फेसबुकमा २ लाख १६ हजार २८८ जनाले लाईक गरेका छन भने इन्स्टाग्राममा प्लस ४० के ले पछयाइरहेका छन ।
पृथक स्वरका धनि छेवाङ नम्र बोली र मिठो हासोका कारण धेरै महिला प्रशंशकहरु बनाउन सफल छन् । उनको च्यानलमा अहिले सम्ममा सबैभन्दा धेरै भ्युज मिति २०१८ मार्च ८ मा अपलोड भएको सञ्जित श्रेष्ठ सँग गाएका म्यासप गीत रहेको छ जसको जम्मा भ्युज २ करोड २ लाख ८४ हजार २५४ रहेको छ । त्यस्तै दोस्रो धेरै भ्युज भएको भिडियो उनको आफ्नै गीत लाहुरे रहेको छ । मिति २०१९ जुन १३ मा अपलोड गरिएको उक्त भिडियोको यो सामाग्री बनाईरहदाँ सम्म १ करोड ५८ लाख ६५ हजार ०३१ ले हेरिसकेका छन । त्यस्तै तेस्रोमा लाहुरे २ रहेको छ । मिति ः २०२० जनवरी ३ मा अपलोड उक्त गीत यो भिडियो बनाईरहदाँ सम्म जम्मा ६९ लाख ३ हजार ४२३ चोटी हेरिएका छन् ।
उनले म्युजिक लाईफ र स्ट्रगल नामक एल्बम सार्वजनिक गरिसकेका छन् । उनि गायक, संगीतकार तथा कुशल निर्देशक संजित श्रेष्ठ संग मिलेर दाजुभाई कम्पनी तथा प्रोडक्सन हाउस पनि संचालन गरिरहेका छन । फुलटाइम म्युजिकमा लागिरहेका लामा अझै केहि वर्ष संघर्ष गर्ने त्यसपछि मात्र बौबाहिक जीवन सुरु गर्ने सोचमा रहेका छन । लाहुरे जस्ता हिट गीत दिईसकेका लामालाई आगामी दिनहरुमा अझै सुन्दर सृजनाहरु सुन्न पाउ हाम्रो तर्फबाट अझै सांगीतिक सफलताको शुभकामना व्यक्त गर्दछौ ।
टिप्पणियाँ
एक टिप्पणी भेजें